U3F1ZWV6ZTExMjYwODI0NDI2NDcyX0ZyZWU3MTA0MzAxNzgxMjE1

طريقه عمل بيتزا (الفراخ - اللحمة - الجبن - الجمبري) بأسهل طريقة والطعم روعة

البيتزا أكله إيطالية تعتبر من أشهر وأشهى الأكلات علي مستوي العالم يعشقها الأطفال و الكبار.

وتبحث دائماً النساء عن طريقة عمل عجينة البيتزا بالمنزل بشكل سهل وسريع، خاصة أن البيتزا من الوجبات التى يرغب الأطفال فى تناولها فى معظم أوقات اليوم.

وبالرغم من سهولة طريقة عمل عجينة البيتزا، لكن دائما ما نجد السيدات يسألن عن طريقة عمل البيتزا في برامج الطبخ .

لذلك تيسيراً علي المتابعين لموقع " عالم المرأة " سنعرض لكم في أكثر من مقالة الطرق المختلفة لعمل البيتزا وبأكثر من طريقة وأكثر من طعم.

تابعونا لتتعرفوا علي أشهي الاكلات والوصفات بأسهل الطرق 

واليوم سنقدم لكم طريقة عمل البيتزا ( الفراخ - اللحمة - الجبن - الجمبري


مقادير ( مكونات ) عجينة البيتزا

١-كوبايه من المياه 

٢-٣كوبايات من الدقيق 

٣-كيس خميره فوريه 

٤-علبتين زبادي ساده 

٥-رشه ملح 

٦-رشه سكر 

٧- معلقتين من زيت الزيتون 

٨-معلقتين من اللبن البودر 

.........

طريقه عمل عجينة البيتزا 

١-هنحتاج طبق ونخلط فيه الخميره مع المياه ورشه السكر ونسيبها لما تخمر 

٢-هنقلب الزيت مع الزبادي واللبن البودره ونضيف الدقيق علي المياه بالخميره 

٣-هنفضل نعجن فيهم لمده عشر دقايق لما نحس ان العجينه بقت ناعمه في ايدنا ومبتلزقش 

٤-هنغطي العجينه ونسيبها تخمر لمده نص ساعه 

........

مكونات الصلصة الخاصة بالبيتزا

١-بصله مفرومه 

٢-توم مفروم 

٣-كوبيتين من  عصيرالطماطم 

٤-معلقه فلفل اسود وملح 

.........

طريقة عمل الصلصة الخاصة بالبيتزا

١-هنستخدم طاسه هنضف فيها زيت والبصل ولمل يتحمر نضيف التوم ولما يتغير لونه هنضيف عصير الطماطم ونضيف الفلفل الاسود والملح ونسيبها  علي النات لما تستوي.

.........

الحشوات

يمكن حشو البيتزا بأكثر من طريقة وطعم ومن أهم الأطعمة للبيتزا وسنقدم لكم في هذه المقالة بعض من هذه الأطعم المختلفة
 
( الفراخ - اللحمة - الجبن بمختلف أنواعه - الجمبري ) 

اولا : بيتزا الفراخ 

مكونات بيتزا الفراخ 

١-فراخ متقطعه 

٢-زيتون 

٣-فلفل اخضر واصفر 

٤-جبنه موتزريلا 

٥-جبنه شيدر 

٦-بصل متقطع حلقات 

٧-طماطم

طريقة عمل البيتزا بطعم الفراخ

هنستخدم صنيه ندهنها زيت ونفرد فيها العجينه ونغزها بالشوكه ونفرد الصلصه وبعدها هنضيف الجبنه وبعدها قطع الفراخ والفلفل المتقطع والبصل المتقطع والطماطم والزيتون والجبنه الموتزريلا والشيدر وتتدخل الفرن لمده ٢٥دقيقه علي درجه حراره ١٧٠

.......

ثانيا : بيتزا اللحمة المفرومة

مكونات بيتزا اللحمة المفرومة

١-٢٥٠جرام من اللحمه المفرومه 

٢-زيتون 

٣-فلفل اخضر واصفر 

٤-جبنه موتزريلا 

٥-جبنه شيدر 

٦-بصل متقطع حلقات 

٧-طماطم

طريقة عمل بيتزا اللحمة

هنستخدم صنيه ندهنها زيت ونفرد فيها العجينه ونغزها بالشوكه ونفرد الصلصه وبعدها هنضيف الجبنه وبعدها اللحمه والفلفل المتقطع والبصل المتقطع والطماطم والزيتون والجبنه الموتزريلا والشيدر وتتدخل الفرن لمده ٢٥دقيقه علي درجه حراره ١٧٠

ثالثا: بيتزا الجبن

مكونات بيتزا الجبن

1-زيتون 

2-فلفل اخضر واصفر 

3-جبنه موتزريلا 

4-جبنه شيدر 

5-بصل متقطع حلقات 

6-طماطم

طريقة عمل بيتزا الجبن

هنستخدم صنيه ندهنها زيت ونفرد فيها العجينه ونغزها بالشوكه ونفرد الصلصه وبعدها هنضيف الجبنه  والفلفل المتقطع والبصل المتقطع والطماطم والزيتون والجبنه الموتزريلا والشيدر وتتدخل الفرن لمده ٢٥دقيقه علي درجه حراره ١٧٠

........

رابعا : بيتزا الجمبري

مكونات بيتزا الجمبري

١-جمبري 

٢-زيتون 

٣-فلفل اخضر واصفر 

٤-جبنه موتزريلا 

٥-جبنه شيدر 

٦-بصل متقطع حلقات 

٧-طماطم

طريقة عمل بيتزا الجمبري 

هنستخدم صنيه ندهنها زيت ونفرد فيها العجينه ونغزها بالشوكه ونفرد الصلصه وبعدها هنضيف الجبنه وبعدها قطع  الجمبري والفلفل المتقطع والبصل المتقطع والطماطم والزيتون والجبنه الموتزريلا والشيدر وتتدخل الفرن لمده ٢٥دقيقه علي درجه حراره ١٧٠

......

وتقدم البيتزا مع الكاتشب والمايونيز 

وبالهنا والشفاء


بقلم / ندى ناصر
تعليقات
تعليقان (2)
إرسال تعليق

إرسال تعليق

الاسمبريد إلكترونيرسالة