U3F1ZWV6ZTExMjYwODI0NDI2NDcyX0ZyZWU3MTA0MzAxNzgxMjE1

طريقة عمل الكنافة النابلسية السورية

الكنافه النابلسيه من اشهر الحلويات الشاميه, وحاليا اصبحت منتشره في مصر واصبحت موجوده في محلات الحلويات.
الكنافة النابلسية

تعالوا نتعرف علي الطريقة الصحيحة لعمل الكنافة النابلسية الأصيلة في المنزل واحلي واطعم من الجاهز 


اولا المقادير 

١-نحتاج ٣٠٠جرام من الكنافه 

٢-كوب من الزبده السايحه 

٣-جبنه عكاوي او جبنه موتزريلا 

٤-٢كوب سكر -+٢كوب ماء 

٥-فانليا 

ثانيا: لتزيين الكنافة 

هنحتاج فسدق مطحون

 ثالثا : طريقه عمل الشرابات

 نضع الماء علي السكر في اناء علي البوتجاز 
عند الغليان نضيف الفانليا ونسيبو يبرد

رابعا : طريقه استخدام الجبنه العكاوي

 نتقعها في مياه من بالليل للصبح علشان الملح اللي موجود فيها كلو ينزل

 خامسا : طريقه تحضير الكنافه النابلسية

هنستخدم الكبه في تنعيم الكنافه اننا نضربها فيها علشان تنعم 
وبعد كدا نضيف عليها الزبذه لحد ما يختلطو ببعض 
هنجيب صنيه مقاس٢٤مدهونه بالزبده ونفرد فيها الكنافه ونضغطها جامد وبعد كدا نحط طبقه من الجبنه وبعدين طبقه من الكنافه

نحطها في الفرن في درجه حراره١٨٠لمده ١٥دقيقه تتحمر من الجوانب وتخرج من الفرن نضيف عليه الشرابات وبعد كدا تتقطع وتتقدم في اطباق ونضيف عليه شويه من الفسدق المطحون وتتقدم بالهنا والشفا 

الكنافة النابلسية


 ثانيا طريقه عمل الكنافه بالسميد 

المقادير 

١-ثلاث كوبايات من السميد 
٢-كوبايه من السكر الناعم 
٣-كوبايه وربع من الزبده  

الحشو 

١-٣٠٠جرام من الجبنه العكاوي او الموتزريلا 
٢-شربات 
٣-فسدق

طريقه تحضير الكنافه بالسميد

نعجن السميد مع الزبده مع السمن ونفردها في صنيه مدهونه زبده نعمل طبقه رقيقه 
وبعدها نضيف الجبنه طبقه منها وبعدها طبقه الكنافه 
ونحطها في الفرن علي درجه حراره ١٨٠ لمده ١٠دقائق تطلع من الفرن نسيب العجينه تبرد خالص وبعدين نحطها ف الكبه ونفرمها خالص لغايه ما تتفتفت خالص نضيف عليها الجبنه العكاوي ونضيف عليها الشرابات البارد  ونضيف عليها الفسدق للتنزين 
وتتقدم بالهنا والشفا.

 ثالثا طريقه عمل الكنافه علي شكل الكب كيك 

هنحتاج كنافه مطحون جامد ونضيف عليها ربع كوبايه من السكر ونص كوبايه من الزبده ونعجنهم 

هنجيب قوالب الكب كيك ندهنها بالزبده نأخذ كميه من الكنافه نفردها في الصنيه ونضيف عليها المكسرات فسدق او جوز الهند 

وبعدها نغطيها بالكنافه وندخلها الفرن لما وشها يتحمر نحطلها الشربات
 وتتقدم بالهنا والشفا...

بقلم / ندى ناصر


تعليقات
تعليقان (2)
إرسال تعليق

إرسال تعليق

الاسمبريد إلكترونيرسالة